وينك ترى كثر الجفا منه مليت
تكفى حبيبي لا تطول ثواني

وش حيلتي لا غبت عني وصديت
وش حيلتي لا صرت باقصى المحاني

أنا اشهد إنك في عنادك تماديت
وأنا اشهد إنك في وصالك أناني

آمــر تدلل لو علينا تغليت
من ذاق حبك حرم يحب حدثاني

يامتعبن قلب الغلا ويش سويت
حسيبك الله كان قلبك نساني

وانا الذي بالقلب حطيت لك بيت
وداخل عيوني واضع ( ن ) لك مكاني

فوينك ترى طول البعاد منه مليت
ارجع حبيبي كان باقي تبانيْ