ويلاه ياقلب ن من الحزن ويلاه
قاسيت وضعي في سرادب سجوني

ياراحل ن والبعد والهجر مثواه
ياليتهم قبل الرحيل ودعوني

يامركب ن قلبي محله ومرساه
البحر بحرك والسواحل عيوني

ليت القدر ماجا على الحزن والاه
لكن مع الاقدار خابت ظنوني

يالي تقولون الهوى جف مجراه
مازلت غيمه ماطره صدقوني

انا الوفاء ممدود للوصل يمناه
وانا رثاء الاشواق لو تفهموني

اعطيت روحي وهبةً لجل عيناه
مهما يطول الوقت مايبعدوني

يامرتع اشواق الظبى وين مرعاه
حر الصحاري حال دونك ودوني

يا غيمةً ما هل من غيمها ماه
ماتت على ترياق مزنك غصوني