ليل الشتا بارد .. ومسراي وحداني
وعن رجفة البرد ماتدفي معاذريك
مات الكلام الحلو في طارف لساني
ونسيت حتى السوالف الله يجيرك
ما كان هذا العشم يا نصفي الثاني
وشلون تصدمني بظنك وتفكيرك
ظلمتني ليش .. وانا لجلك اعاني
لو الهوى طيش .. حاسبتك بتقصيرك
في جرح قلبي وتعذيبي وحرماني
طالت معاناتي وطالت مشاويرك
تطري على البال وتحاصرني احزاني
واقول يا ليتها من واحدٍ غيرك
يا غلطة العمر وين القى عمر ثاني
وجروحي اكبر من اعذارك وتبريرك
بحاول انساك وانت ارجوك تنساني
ماعاد قصرت مشكور وكثر خيرك