السلام عليكم ورحمة الله وبركاتة
بالحياة نحتااااج لأكثر من مبدأ وقناعه نمشي عليها عشان نرتاح من كل حزن وومشاعر سلبية منخفضة ان كل ماحسينا بمشاعر سلبيه وموقادرين نتحكم بكمية السوداويه بحياتنا اول مبدأ: النظارة الوردية: نحتاجهاااا كثيررررر بكل اوقات حياتنا وخصوصا الاوقات الحزينه واللي نكون فيها جدا مضغوطين من جميع النواحي ومقفله من كل جهه بس اكيد عند ربي ماهي مقفلة والله رحمن رحيم والله كريم✨ فنلبس نظارة وردية ونرى ان الحياه جميله والدنيا كلها ورديه وزهرية وايجابيييييه مثل مايقولون نحن من نلبس نظارة سوداء توحي بالسوداويه والحزن والحياة التعيسة البائسة لذلك ارتدوا النظارة الوردية وانظرو للحياة بكل ايجابية مع القليل من الواقعيه وعدم المثالية واستمتعوا بالحياة.
2-تكبير الدماغ والتغاضي: لازم كلناااا ننشر ثقافة تكبير الدماغ خصوصا بين الاسر وبكل العلاقات بالمجتمع وننشر ثقافة التغاااضي وعدم التدقيق على كل صغيره وكبيرة موكل شي يستحق الرد ولاكل شي يستحق الزعل ولا كل شي يستحق اننا نعطيها وقت اكثرررر او اهتمام اكبر انا اسميه ريح راسك اكثر من كبر دماغك
3-النظر للأمور من جميع الزوايا: يجب ان ننظر لكل موضوع من جميع الزوايا كي تتضح الصور جيدا ويفهم المووضوع من جميع النواحي ويفهم الموضوع وتفهم الامور بكل الاوجه والابعاد التي برون منها جميع الشخصيات باختلاف تفكيرهم واختلاف شخصياتهم وارآهم .
4-انزل وارفع مستوى تفكيري وكلامي حسب الشخص اللي قدامي : مااتكلم بالثقافة والكتب عند انسان شبه جاهل مااسولف بالجيل الجديد واهتماماته عند واحد طول عمره عايش بالبر مااسولف سوالف وقصص قديمة عند واحد من جيل الالفين اهتماماته كلها سوشل ميديا ويوتيوب وبلاستيسن يعني اهتمامات تختلف نهائيا عن قصص الاولين وبنفس الوقت مااغث امي واسوي نفسي اعلى من مستواها انزل من مستوى تفكيري لامي وابوي خصوصا ان بالقرآن يقول الله تعالى ((واخفض لهما جناح الذل من الرحمة وقل ربي ارحمهما كما ربياني صغيرا)) خلاصة كل النقاط استمتع بالحياه رتب افكارك اعرف اين اتجاهك؟ وهل انت تسير بالطريق الصحيح ؟ اعرف ماهو دورك بالحياة؟ وتوكل على الله
الإهداءات
07-11-2021, 04:33 PM
نقاط نحتاجها بحياتنا
Lower Navigation
العرض العادي
