*حلم الخيال اللي رسمته قبل اجيك

*حلم الخيال اللي رسمته قبل اجيك

حلم الخيال اللي رسمته قبل اجيك
حسبته بيقى على الواقع خيال
.
احلامنا بين التلاشي والوشيك
ورغباتنا .. بين التناقض والكمال
.
ما كنت ارتب كيف احبك واهتويك
وما كنت راسم للغلا أي احتمال
.
والصدفه*اللي*جابتك يوم التقيك
اجمل صدف عمري إلى يوم الزوال
.
ودي اوقفّ ساعة الوقت وأجيك
واعيش بين عيونك وحبات خال
.
خشمك مظاليلك وبسمة شفتيك
جمالها ما عاد من عقبه جمال
.
لو متحف اللوفر يشوف الزين فيك
سوى لوجهك متحف يفوق الخيال
.
طلعت لي من وين يرحم والديك
وش ذا الدلع وش ذا الحلا وش ذا الدلال
.
ودي بك وروحي فدا روحك واليك
ومشكلتك انك من ذوات الـ ال ال
.
اخاف اعلم بأسمك وثم اسم ابيك
واروح ورى الشمس ما اعين ظلال
.
وينك ! انت قدلي وانا ادورّ عليك
والحمد لله جيت يا عطر الوصال
.
اقصى حدودي فالوصل لمسة يديك
واجمل غرامي لا حلمتك بانفعال
.
شف كيف قدرك في خفوق مهتويك
نسيتني نفسي .. ولا فيها جدال
.
محد يبدي حد على نفسه .. وفيك
بديتك وسويت لك كل المحال
.
لبيك لا جاء رقمك وقمت احكيك
اسج من روحي على شان اتصال
.
يذبحني ان مالي وسط قلبك شريك
ويغريني انك بالوصل .. صعب المنال
.
لا تقول احبك لا أنا طماع فيك
قول اعشقك والعشق للمغرم ظلال
.
موعد غرامي في غرامك كلبيك
قليّ متى موعدك يا العذب الزلال
.
كانك لهيت من الوصل والله فيك
ترى*اللي*يترك صاحبه ذبحه حلال
.
لا تعتذر عن لهفتي ما دمت ابيك
عجل .. ترى ما عاد للصبر احتمال
.
مشتاق لك مشتاق بك مشتاق فيك
اختار شاللي يعجبك منها وتعال

الموضوع الأصلي: *حلم الخيال اللي رسمته قبل اجيك || الكاتب: حنين الروح || المصدر: منتديات درة الشرق

درة الشرق

درة الشرق

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه, , لغات , طبيعة , مفاتيح , ستايلات , صيانه , تهيئة ,قواعد,شيرنج, iptv , سيرفرات, استضافه, مناضر, جوالات ,

سهام ,وضاااح ,خفايا قلب و 1 آخرون معجبون بهذا

نجوى الروح

المصدر: منتديات درة الشرق

---

*pgl hgodhg hggd vslji rfg h[d;

اختيار موفق لابيات جميلة

سلمت يداكِ على الجلب

كلمات جميله
وختيار مميز
بارك الله في عطائك
تحياتي

ابيات روعة ... وذائقة أجمل
شكرا لك ... وزيادة

::

رائعه
حروف مغلفة بأعطر الورود
لك الشكر الجزيل