سجل حضورك ببيت شعر

‏دخيلك ترفّق ترا تحت الجلود قلوب
‏عثى فيها الزمان المُر وخيّب هقاويها .

يالله بحظٍ على الدنيا يساعدني
يدركني الغيم واحلامي يحققها .

‏الموت لو نقدر نرده عن الغالي
‏ما فيه غالي من الغالين في قبره

‏يا أبوي كنت العام تحصي المكاييل
‏تعطي زكاة الفطر لضعوف وجياع
‏
‏واليوم هلّ الدمع من دون تأجيل
‏لأن الزكاة في غيبتك ناقصة صاع !

‏كل عام وانتم عايدين وفايزين
‏وارزاقكم وافراحكم متزايده

‏الله يعيده عند كل المسلمين
‏ويغفر لقلبٍ ماقدرنا نعايده

‏عن معاريف النشاما وماجوب الصديق
‏مايغيرنا البطا والسنين الكايدة

‏دام للصاحب معزة وللخؤة طريق
‏واجب اسلم على صاحبي واعايدة

‏بخروها عن عيون الحاسدين
‏وعلموها كيف .. تذكر ربها

‏جعلها من العايدين الفايزين
‏طفلةٍ تكبر .. ويكبر حبها ،،

‏عشنا وشفنا واستفدنا وفدنا
‏وكلٍ على ما قيل قلبه يصحيه.

‏ما دام الأعمار أخرتها لحد
‏والموت ثوبٍ لابسه ..لابسه

‏والله ما اشكي واتذلل لأحد
‏لو ما آكل إلا ، خبزةٍ يابسه .

‏صبرنا على العازات والناس مايدرون
‏وعن مايعيب النفس تكرم شواربنا

‏عسى الله يجنبنا دروب الردى والهون
‏وعسى الله يجملنا ليا حل واجبنا .